Garantía Xuvenil “Aval jóvenes”

(O traballo da xuventude, aval para o futuro dos territorios rurais)

Este proxecto, liderado pola Dirección Xeral de Xuventude e Voluntariado, forma parte dun número moi reducido (15) dos aprobados pola Comisión no conxunto da Unión Europea dentro da Convocatoria VP/2012/012, orientada a apoiar actuacións conxuntas de actores relevantes de cara á mellora das posibilidades de inserción laboral da mocidade. Enlaza polo tanto, coa prioridade da UE de loita contra o desemprego xuvenil

O proxecto está enmarcado no eixo C: enfoques innovadores para os mozos/as que se atopan con múltiples barreiras de cara a súa inserción laboral.

Prazo de Execución: do 1 de outubro de 2013 ata o 30 de setembro de 2014 

Destinatarios: Mozos e mozas de 15 a 30 anos que rematan a súa cualificación profesional ou están en situación de paro e que se atopan na procura de emprego. Serán 50 participantes divididos en  2 grupos de traballo  de 25 participantes cada un.

Zona de Actuación: Establécense 2 zonas de actuación, con un grupo de 25 participantes en cada unha delas, na zona da Costa da Morte con base en Carballo  e na zona interior da provincia de A Coruña, con base en Melide. 

Partenariado:

• Organismo Demandante:
• Dirección Xeral de Xuventude e Voluntariado. Consellería de Traballo e Benestar. Xunta de Galicia
• Socios:
• Dirección Xeral de Promoción do Emprego
• Diputación Provincial de A Coruña
• Federación EFA de Galicia (Escuelas Familiares Agrarias)
• Asociación ADTERRA (Asociación para o desenvolvemento dos territorios polos actores locais)
• AFIPRODEL (asociación galega de profesionais de desenvolvemento local) 
• ASER (asociación de empresarias rurais)
• SECOT (seniors españois para a cooperación técnica)
• AXOBER (asociación de xóvenes empresarios de Bergantiños)

Obxetivo Xeral: Facilitar aos mozos/as participantes a súa orientación profesional e  inserción laboral, axudándolles a elaborar e materializar un proxecto de emprego / empresa nos territorios de actuación

Obxetivos Específicos:

• Axudarlles a coñecer e valorizar mais e mellor o seu territorio
• Favorecer a promoción dos territorios rurais, poñendo en valor as oportunidades que hoxe amosan para a creación de novos empregos e empresas

Accións:

1. Creación dos dous grupos de participantes nas zonas de actuación
2. Programa OPILE 
• Integra o traballo de aprendizaxe en grupo cunha programación con unidades didácticas específicas e a práctica no territorio, a través do estudio do medio polos participantes para descubrir posibilidades e recursos susceptibles de xerar empregos e do establecemento de relación directa con outros actores locais destos territorios (empresas, profesionais cualificados, axentes técnicos, entidades asociativas, etc)
3. Taller de proxectos 
• Prestar apoio e acompañar na posta en marcha das iniciativas de emprego/empresa dos participantes : análise doutras experiencias de interese, asesoramento específico, axudas existentes, estudo de viabilidade, visitas, etc.

Metodoloxía:

Metodoloxía participativa: 

• Favorecese o traballo en grupo a través de metodoloxías innovadoras como canle axeitada para a emerxencia de iniciativas de emprego nos territorios rurais de actuación 
• Implicación de todo o partenariado de xeito complementario: entidades de formación, asesoramento técnico, orientación laboral, rede empresarial para prácticas e xeradora de empregos, respaldo institucional e liñas de apoio a inserción laboral 
• Metodoloxía de interacción aprendizaxe-práctica no territorio 
• Metodoloxía de formación-animación favorecendo o desenvolvemento persoal dos participantes e a súa implicación ao longo de todo o proceso da súa inserción laboral.

Resultados Esperados:

• Inserción laboral dos participantes
• 40-50% dos participantes insertados laboralmente
• 20-30% de participantes en vías de inserción laboral
• 20-25% de participantes que melloran a súa empregabilidade e que poden ser reorientados a novos procesos de inserción profesional, prácticas en empresas, etc.
• Impacto no territorio
• Dotación de novos modelos de traballo e boas prácticas para favorecer a inserción laboral da mocidade susceptibles de ser transferidos a outros territorios.