A robotización do agro provocará, ao igual que noutros sectores, a necesidade de contar con man de obra cualificada, non só en produción agrogandeira coma ata o de agora, senón con formación e coñecementos na área dixital; robótica, programación, sensorización, planificación, big data, etc.
É nestas áreas, medio rural, xuventude e robótica, nas que o proxecto AgroRoboTICs actúa, permitindo a adquisición de coñecementos e facilitando a experimentación dos xóvenes na robótica agrícola. Isto permitiralles aos destinatarios afrontar o seu futuro profesional cunha vantaxe competitiva, tanto como futuros traballadores do sector agrogandeiro como futuros empresarios inversores e usuarios das mesmas.
Na actualidade contamos cun robot de cultivo (farmbot) instalado e en funcionamento no Centro de Promoción Rural EFA Fonteboa.
