Neste curso fomos beneficiarios dunha subvención para a dixitalización de dúas aulas no Centro de Promoción Rural - EFA Fonteboa, por unha cuantía de 5.995,60€. Dita subvención tivo por obxecto dotar a dúas aula con Panel dixital de 75" e ordenador portatil.

As bases para o regulamento desta subvención é a ORDE do 11 de agosto de 2022 pola que se establecen as bases reguladoras para a concesión, en réxime de concorrencia non competitiva, de subvencións públicas a centros privados sostidos con fondos públicos para a dotación de aulas dixitais, cofinanciadas polo fondo europeo relativo ao Mecanismo de recuperación e resiliencia da Unión Europea, no marco do Plan de recuperación, transformación e resiliencia financiado pola Unión Europea-NextGenerationEU, e se procede á súa convocatoria para o ano 2022 (código de procedemento ED301K).